29/06/2011

Ad Laudes Matutinas - Sanctissima Trinitatis




Trínitas, summo sólio corúscans,
glórie carmen tibi sit perénne,
quae tenes nostri veheménti amóre
péctoris ima.




Cónditor rerum, Pater, alma virtus,
quos tuae vitae facis atque formae
esse consórtes, fídei fac usque
dona meréri.


Candor aetérnae speculúmque lucis,
Nate, quos dicis sociásque fratres,
pálmites viti tibi nos inésse
da viridántes.


Cáritas, ignis, píetas, poténti
lúmine ac blando móderans creáta,
Spíritus, mentem rénova, fovéto
íntima cordis.


Hospes o dulcis, Trias obsecránda,
nos tibi iugi fac amóre nexos,
pérpetes donec modulémur hymnos
teque fruámur. Amen.